969931_10200610897386224_938929047_n

Lu escolans de segondas e terminala dau licèu Sasserno emé lu professors Bernard Fruchier e Cristòu Daurore

954858_10200610901626330_625461201_n

Lu escolans de segondas dau licèu Parc Imperial emé lu professors Patrici Arnaudo e Cristòu Daurore, lo prsident dau CCÒc País nissart e Alpenc Jonathan Santilli e l’escrivan de la 11a Dictada Occitana en Nissart Alan Gasiglia.

248369_10200610906706457_1887041377_n

La mai boana escolana : Julia Gessi, 1 soleta fauta a la Dictada (de seneca a drecha : Jonathan, Julia, Alan, Patrici e Cristòu)

Vequí la vidèo de França 3 Nissa sus l’eveniment :

http://cote-d-azur.france3.fr/2013/05/22/ils-passent-l-epreuve-de-nissart-au-baccalaureat-255713.html

Emision Gavotina Pantai

 

D’ont que siguessiatz, d’Occitània ò de las Alps Maritimas, avetz ja sentit parlar de Niça (Nissa), de la Contea de Niça, dal niçard. Sabètz qu’existe tantben Provença e lo provençal, gràcia al Prèmi Nobel 1904, Frederic Mistral. E avetz ja ausit parlar de Lengadòc, d’Auvernha, eça. Mas conoishètz Mentan, Dinha, Gap, lo Comtat de Buelh, l’Estat d’e Vile Líbere de Mentan e Recabruna, e mai conoishètz l’autre grand dialeite de la region, parlat d’Esa e Mentan fins a Briançon en passar per Puget Teniers ò Sisteron ? Es lo vivaroalpin ò gavòt.

Aquela emission mesadiera made in Gavotina serà l’ocasion de parlar de la vision qu’avem d’Occitània e dal monde entier. Emissions liuras, d’actualitat ambé de conviats, emissions a tèmas vos seran prepausaas. La Gavotina vos en mandarà plen las aurelhas!

Toi lu pòdcasts:

 

 

Rintrada dei 5 Cors de Nissart dau CCÒc

Lo 25 septembre 2012, dins Divers, da Cristòu
– version en nissart (òc) :
La setzena rintrada dei 5 Cors de Nissart si debanerà dimècres lo 26 de setembre 19 oras au 22, carriera Beaumon (novèu local).
Ciril Joanin, Alan Gasiglia e Cristòu Daurore professors de nissart (òc), li faràn descurbir lo dialeite nissart au traves diferents tèstos de la literatura nissarda, mas finda coma participar au famós « pastrolh nissart ». L’istòria de Nissa, de la sieu Contea e de la sieu Occitània li seràn finda estudiadi.
Lu mai afortits alestisseràn lo Certificat d’Estudis Nissarts dau Sorgentin.

Cada cors es limitat a 18 personas.
Informacions : tel 06 71 18 61 21, www.nissapantai.com www.nissa.org info@nissa.org
Lu 5 cors de nissart torneràn
– au CEDAC Cimier diluns lo 24 de setembre a 18 oras 30 (49, avenguda de la Marna)
– au CEDAC de St Antòni Ginestiera dimarç lo 25 de setembre a 18 oras 30 (10-12, plaça Doménegue Figuiera)
– au CCÒc País Nissart e Alpenc dimècres lo 26 de setembre a 19 oras (22 carriera Beaumont).
– au CEDAC Ariana divendres lo 28 de setembre a 18 oras (Espaci Django Reinhardt 19, camin dau Casteu Sant-Pèire) .
– a l’Espitau de Cimier divendres lo 12 d’octòbre 10 oras 30 au pabalhon Mossa (emé Partages)

– version en français (oïl) :
La seizième rentrée des 5 Cours de Nissart se déroulera mercredi 26 septembre 19h au 22 rue Beaumont (nouveau local).
Ciril Joanin, Alan Gasiglia et Cristòu Daurore, professeur de nissart (òc), y feront découvrir le dialecte nissart au travers différents textes de la litttérature niçoise, mais aussi comment participer au fameux « pastrolh nissart ». L’histoire de Nice, de son Comté et de son Occitanie y seront aussi étudiés.
Les plus confirmés prépareront le Certificat d’Etudes Niçoises de la revue Lou Sourgentin.
Chaque cours est limité à 18 personnes.
Renseignements : tél 06 71 18 61 21, www.nissapantai.com www.nissa.org info@nissa.org
Lu 5 cors de nissart torneràn
– au CEDAC Cimier diluns lo 24 de setembre a 18 oras 30 (49, avenguda de la Marna)
– au CEDAC de St Antòni Ginestiera dimarç lo 25 de setembre a 18 oras 30 (10-12, plaça Doménegue Figuiera)
– au CCÒc País Nissart e Alpenc dimècres lo 26 de setembre a 19 oras (22 carriera Beaumont).
– au CEDAC Ariana divendres lo 28 de setembre a 18 oras (Espaci Django Reinhardt 19, camin dau Casteu Sant-Pèire) .
– a l’Espitau de Cimier divendres lo 12 d’octòbre 10 oras 30 au pabalhon Mossa (emé Partages)
 

– Diluns lo 3 de setembre dau 2012 a 21 oras sus la Ràdio www.nissapantai.com

Emission especiala « 10 ans de l’escòla bilenga nissart-francés la Calandreta »

Dimarç lo 3 de setembre dau 2002 a 8o30 de matin, l’escòla materna en nissart « La Calandreta dau Mas » èra a si durbir en lo quartier de la Condamina dau vilatge de Drap.
Lu magistres èron Erwan Lelièvre e Zine, la directritz Carlòta Rubini, la presidenta Anna-Maria Sgaravizzi-Garcia.
En setembre dau 2003, lu magistres càmbion, son Cristòu Daurore (fins a junh dau 2006) e Florença Buatoy (fins au 2008).
Florença venia de la Calandreta de Valàurias (2000-2002) que venia de barrar, de seguida a la demission da

u cònsol Miqueu Ribero.
Natàlia Pauthe deven presidenta a la fin dau 2005, pi Joan-Felip Gispalou, pi Veronica Durand.
Au mes de setembre dau 2007, la Calandreta de Drap èra a far « sant miqueu » (mudar) a NISSA au 278, avenguda de Santa Margarida emé Florença Buatoy, pi Aurèlia Basso, Aurèlia Occhipenti e d’autres.
L’aventura de l’escòla bilenga nissart-francés per imersion s’es ailàs acabada au mes d’octòbre dau 2010.
Mas lo Centre de Léser es sempre dubert lo dimècres e li vacanças escolari.
La Ràdio Nissa Pantai es a alestir una emission especiala « Escòla en Nissart CALANDRETA ». Se volètz testimoniar, podètz sonar au 06 71 18 61 21 ò per escrich a info@nissa.org
L’emission serà difusida sus www.nissapantai.comdiluns lo 3 de setembre a 21 oras (1era difusion).L’escòla bilenga « a paritat orària » es en project au quartier Sant Ròc de Nissa. L’associacion « Parlen !Òc bi Countea de Nissa » organiserà una fèsta au Trident (14 av dau Trident Nissa) divendres lo 14 de setembre a 19 oras. DE PAS MANCAR. Vorrion durbir una classa en setembre dau 2013.

– version en francés (oïl) :

Lundi 3 septembre 2012 à 21h sur la Radio www.nissapantai.com

Emission spéciale « 10 ans de l’école bilingue nissart-français la Calandreta

Mardi 3 septembre 2002 à 8h30, l’école maternelle en nissart « La Calandreta dau Mas » s’ouvrait dans le quartier de la Condamina du village de Drap.
Les enseignants étaient Erwan Lelièvre et Zine, la directrice Carlòta Rubini, la présidente Anna-Maria Sgaravizzi-Garcia.
En septembre 2003, les enseignants changent, c’est Cristòu Daurore (jusqu’en juin 2006) et Florença Buatoy (jusqu’en 2008).
Florença venait de la Calandreta de Vallauria (2000-2002) qui venait de fermer, suite à la démission du maire Miqueu Ribero.
Natàlia Pauthe devient présidente fin 2005, puis Joan-Felip Gispalou, puis Veronica Durand.
Au mois de septembre 2007, la Calandreta de Drap démenageait à NISSA au 278, avenue de Sainte Marguerite avec Florença Buatoy, puis Aurèlia Basso, Aurèlia Occhipenti et d’autres.
L’aventure de l’école bilingue nissart-français par immersion s’est hélas arrêtée au mois d’octobre 2010.
Mais le Centre de Loisir est est toujours ouvert le mercredi et les vacances scolaires.
La Radio Nissa Pantai est en tain de préparer une émission spéciale « Escòla en Nissart CALANDRETA ». Si vous voulez témoigne, vous pouvez appeler au 06 71 18 61 21 ou par écrit à info@nissa.org
L’émission sera diffusée sur www.nissapantai.com lundi 3 septembre à 21h (1ère diffusion).

L’école bilingue « à parité horaire » est en projet au quartier Sant Ròc de Nissa. L’association « Parlen ! Òc bi Countea de Nissa » organisera une fête au Trident (14 av du Trident Nissa) vendredi 14 septembre à 19h. A NE PAS MANQUER. Ils voudraient ouvrir une class en septembre 2013.

 

Escotar Ràdio Nissa Pantai

Lo 31 août 2012, dins Divers, da Cristòu

– Si pòu escotar la Ràdio Nissa Pantai

en picant directament en lo navigator Chrome, ò en lu lectors mutimèdias Winamp ou VLC, l’adreissa seguenta :

http://85.25.106.160:21010/NissaPantai.ogg

Si pòu sempre escotar emé lo lector Java qu’avètz aquís sus lo sit interret de la ràdio www.nissapantai.com

– On peut écouter la Radio Nissa Pantai

en saisissant directement dans le navigateur Chrome, ou dans les lecteurs mutimédias Winamp ou VLC, l’adresse suivante :

http://85.25.106.160:21010/NissaPantai.ogg

On peut toujours écouter la radio avec le lecteur Java que vous avez sur le site internet de la radio www.nissapantai.com

 

19en PantaInfo L’informacion setmaniera dau País Nissart e Alpenc lo 20 d’aost 2012, 21 oras

PAíS NISSART E ALPENC

1/ Actualitat especiala Operacion Terra Segurana en la Plana de Var de Nissa

Nissa perde mai li sieu terras agricòli. Nissa a ja perdut totplen de terras agricòli per bastir lo novel estadi. Sto còup es per bastir una nòva via que menerà à l’estadi. Li victimas son de familhas nissardi menaçadi d’expropriacion.

Cen que podèm faire ? Còntra aquesto projèct, d’òmes e de fremas si son mobilisats sota lo nom : operacion « Terra Segurana. » L’operacion arrecampa de mai en mai de monde. Cada dissabta e diménegue à partir de 10 oras de matin, au 303 de l’avenguda Santa Margarida, si retròvon de benevòlos per travalhar la terra, partejar lo past e discutre sus dei accions da faire. Per mai d’informacions, podètz contactar Nadège Bonfils au 06.15.90.72.09.

Fa de temps que la Plana de Var a de problemas, Maurís lo cantava ja ? Es ver que fa despí dei annadas 70 que si mena la lucha de « Dàvid lo Nissart » còntra « Goliat lo promotor » per empedir lo betonatge dei darrieri terras agricòli de Nissa. Lu collectius engatjats convídon toi lu estatjants de la Comtea à si radunar sota l’eslogan : « volètz manjar ? cagatz de blea, mens de beton ! »

Mas alora, per aquelu que son pas au corrent, l’OIN, cen qu’es aquò ? Per rapèl istòrico, l’Operacion d’Interés Nacional de la Plana de Var, que poarta coma nom « Eco-Valada », es un projèct que prevé l’amainatjament de la Plana de Var sus 30 ans. La necessitat d’amainatjament d’aquesto territòri es una realitat, mas cau que sigue ecologica e non solament economica. E l’Eco-Valada es manco ecologica vist que prevé la construccion sus de surfaças agricòli dau Gran Estadi, d’un via e finda de lotjaments.

Coma si debana l’operacion ? Lo mes passat, la comuna auria fach levar una bandeiròla mas lu joves de la BSN n’an fabricat d’autri. Pura li menaças e pressions màncon pas.

2/ Actualitat curturala : Rintrada de setembre per lo nissart/alpenc/provençau (òc) en l’Acadèmia de Nissa (06 e 83)

Un article dau Jornalet nen anonça que l’ensenhament de l’occitan seria à si desvolopar à l’Acadèmia de Nissa ?

Alora, cen qu’es la situacion actuala de l’ensenhament dau nissart à l’Educacion Nacionala, tant au primari qu’au segondari ?

Cen que son li solucions possibli per reglar lo problema ?

A l’avenir, ti penses que la situacion es per si melhorar ?

Aparentament, la situacion non es la mema per li autri lengas regionali ?

L’estat francés sembla penalisar pròpi l’occitan. Pura à Nissa díon que la demanda per emparar lo nissart va creissant ?

Li respoastas non son escrichi, li cau escotar. Li demandas son de Ciril Joanin e li respoastas de Cristòu Daurore, en la sieu qualitat de professor de nissart (òc) au licèu Sasserno de Nissa.

OCCITÀNIA

1/ Actualitat política :

L’organisacion occitanista País Noastre organisa un viatge emé de militants e de simpatisants a la Manifestacion independentista catalana dau 11 de setembre a Barcelona. Segond País Noastre, « aüra, es l’ora de la mobilisacion per un estat catalan en Euròpa » après l’insuccès de la reforma estatutària de Catalonha. Aquesto procès culminèt emé una importanta reduccion de l’autogovèrn facha per lo Tribunal Constitucional espanhòu, cen que provoquèt una respoasta per carrieras en julhet dau 2010, emé una manifestacion colossala à Barcelona de mai d’un milion de personas. L’accion solidària de País Noastre respoande à la volontat de l’Assemblada Nacionala Catalana de far que l’accion d’aquest’an vengue una « mobilisacion istorica » per accelerar lo procès independentista catalan. Dins aquesto sens, l’ANC considèra que s’acapita una manifestacion de tres milions de personas, la secession serà immediata e inevitabla. Cau pilhar en còmpte que la comunitat autonòma de Catalonha e Aran a sèt milions d’estatjants. Dau sieu costat, lo president de la Generalitat de Catalonha, Artur Mas, a demandat ièr  que lo pòble catalan manifeste la sieu revendicacion per lo pacti fiscal que lo sieu govèrn reclama à Madrid, e obtenir ensin que lo govèrn espanhòu mete fin à l’estofament economic de Catalonha. En foncion de la respoasta de Madrid, Mas porria convocar d’eleccions anticipadi e si presentar emé un programa sobeiranista.

INTERNACIONAL

1/ Còrsega :

Un desenau d’elejuts còrsos dei partits tradicionals participèron diménegue lo 5 d’aost, per lo promier còup, ai Jornadas Internacionali de Còrti. Li foguèt un debat emé lu independentistas sus dau futur institucional de l’ísola. Lo partit independentista Corsica Libera, qu’a 4 elejuts (sus 51) dins l’Assemblada de Còrsega, organisa cada an aqueli jornadas à Corti, qu’es la capitala istòrica de Còrsega. Davant un milier de personas acampadi, quaucu membres de l’executiu de la Collectivitat Territoriala de Còrsega (CTC), de que la majoritat son de seneca, levat un deputat de l’UMP, Laurent Marcangeli, debatèron sobretot de la cooficialitat de la lenga còrsa, de la question financiària fàcia a l’especulacion e de la reforma dei institucions. « Cen qu’arriba encuèi es essencial. Siam pron madurs per portar a París la noastra volontat de reforma », aquò diguèt Marcangeli a l’AFP en tot plaidejar per un « dialògo franc e sensa tabó ». Lo deputat drechista apondèt que s’èra « trobat un consensús dins l’Assemblada de Còrsega », emé lu autres deputats de l’ísola, per defendre a París li reformas constitucionali que fan besonh. En rapresentant lo corrent nacionalista moderat, l’elejut territorial Miqueu Castellani,  de Femu a Corsica, diguèt que la convergença emé lu independentistas èra « una escadença da pilhar ». Li Jornadas Internacionali son un eveniment que si debana un còup per an en la vila de Còrti despí dau 1987. La sieu tècola es la revendicacion de la lenga còrsa e dau nacionalisme còrso, e es vengut un eveniment transnacional que li particípon non solament d’organizacions còrsi, mas finda de moviments independentistas d’en pertot: bretons, catalans, bascos, galés, irlandés, occitans, sardos, sicilians, tirolés, alsacians e canacs.

L’IFOP a publicat un compendi de quatre dei sieus estudis fachs en Còrsega entra lu 1975 e 2012, après quatre eveniments clau: lu fachs d’Alèria de 1975, l’assassinat dau prefèct Glaudo Erignac en lo 1998, l’incendi dau restaurant Chez Francis en lo 1999 e li votacions legislativi de junh passat. Lo promier estudi fach en lo 1975, permete d’acapir li causas de la frustracion còrsa per rapoart ai immigrants francés e particularament ai pens negres. Dins aqueu sens, 63% considèron que l’enraissament dei pens negres capitèt gràcia au fach que comptèron emé lo sosten institucional e economic que la populacion còrsa non recebia. Aquò explica un estat d’esperit còrso basat sus l’ofensa dau parangon ; cen qu’ajudèt, en partida, a l’espelida dau nacionalisme militant còrso, d’en promier per mejan de l’Accion Regionalista Còrsa (ARC) e après emé lo FNLC. Quant a l’independentisme, li donadas afírmon que l’independentisme s’es multiplicat per sièis en mens de quaranta ans, passant de solament 2% en lo 1975 à 12% ai darrieri estimacions. Li accions polémiqui de l’ancian prefèct Bernard Bonnet, qu’empleguèt de metòdos illegals còntra lo nacionalisme còrso, an fach considerablament créisser lo sentiment independentista, cen que menèt en partida l’Estat francés a negociar lu Acòrdis de Matignon.

ESPOART

Dissabta lo 11 d’aost passat, l’OGC Nissa a jugat lo sieu tot promier rescòntre dau campionat de fotbòl de L1 de la sason 2012-2013. Coma s’es debanat lo rescòntre ?

La novela sason comença mau per lo Gim qu’a perdut a maion 1 à 0 contra una pichina equipa d’Aiachu qu’a meme finit la partida à 10 contra 11 après l’expulsion au principi dau segond periòdo dau jugaire còrsu Mostefa. L’AC Aiachu a dubert la marca gràcia à un goal d’Eduardo à la 11a minuta. Davant de Còrsos solidaris, lu aiglons an totalament mancat de realisme, en testimonia lo penalti mancat da Monzon. Lo match s’es doncas naturalament acabat emé una victòria d’Aiachu, per lo mai grand bonur dei suportaires còrsos qu’an pas esitat a siblar Nissa la Bèla denant lo començament dau rescòntre.

Alora se capissèm ben, l’OGC Nissa es encara partida per una sason dificila, coma l’an passat ?

Equipa pas au complet : noveu atacant non encara titularisat, mancàvon de jugaires cadres coma Anin qu’es ferit, e Civelli, suspendut per 2 matchs.

Finda, es solament lo tot promier rescòntre dau campionat, doncas aurèm lo temps de drissar un promier bilanç au bot de 10 matchs. Esperèm que l’equipa repartirà dau boan pen.

A costat d’aquò, l’actualitat dau Gim es marcat da un autre eveniment extraesportiu ?

Segur, estel estiu, despí julhet una decision política fa foarça polémica : lo futur Gran Estadi de Nissa si sonerà Allianz Riviera Stadium. La societat d’assegurança alemana s’es crompada lo nom per una subvencion que s’aussa à 1,8 milions d’euros per an.

Cen que son li rasons d’una tala polémica ?

Toi lu suportaires dau Gim e la màger part de la populacion de Nissa son pròpi escandalisats per aquela decision que representa per totplen una insulta à la memòria de toi aquelu qu’an sofert de l’ocupacion nazí mentre la Segonda Guèrra Mondiala. La societat Allianz, que s’es ja facha remarcar per lo sieu passat nazí, assegurava à l’epòca entra autre lo personal dau camp d’exterminacion d’Auschwitz, ensin que lu bastiments, lu forns crematòris, lu laboratòris e patin e cofin. En plaça d’atribuïr à la novèla encenta lo gloriós nom de « Garibaldi », la municipalitat a preferit vendre la sieu ànima à un coglomerat de l’argent brut. Aquesta decision parèisse inadmissibla quora si saup que meme ai Estats-Units, paradís per excelence de la mondialisacion e de la finança, la morala a escompassat l’argent quora la pressa new-yorkesa acapitat en lo 2008 d’empachar Allianz de donar lo sieu nom à l’estadi de Meadowlands, en revelant lo passat nazí de l’entrapresa.

Que seríon segond tu li motivacions de la municipalitat de donar un tau nom au futur estadi ?

Non si capisse li rasons qu’an abutat la municipalitat estrosista à acceptar un tau desonor, mas pareisse clar que li motivacions son li memi qu’aqueli dei promotors de l’OIN Plana de Var : la recerca dau profiech absolut à l’encòntre de l’ecologia e de la morala e de la societat civila.

METÈO

Lo temps serà ensolelhat per tota la setmana em’ una temperatura mejana de 30 grados lo jorn, e 20 la nuèch.

Aquesta crònica es acabada, boana setmana en toi e boana fin d’estiu !

 

La Ràdio marcha mai !

Lo 12 juin 2012, dins Divers, da Cristòu

Encuèi lo 20 de junh la ràdio Nissa Pantai marcha mai !

Rendèm gràcia au noastre tecnician benevòlo Bastian …

 

PantaInfò dau 4 de junh dau 2012 21 oras (1era difusion) sus la Ràdio www.nissapantai.com

L’actualitat setmaniera dau País Nissart e Aupenc

PAÍS NISSART

1/ Actualitat política :

A l’escadença dei votacions legislativi que si debaneran lo 10 de junh que vèn, lo collectiu « OIN Plana de Var » a decidit d’interpelar toi lu candidats e toti li candidatas ai legislativi sus li segonda, quinta e seisena circonscripcions, per li questions seguenti :

  1. Siatz per ò contra l’Operacion d’Interés Nacional sus la Plana de Var, compte tengut notantament dei problemàticas agricòli, environamentali e legali que fan part de l’enjuèc ?

  2. Coma avètz reagit à l’anonça de l’OIN e cen qu’avètz fach despí lo sieu projèct de creacion fins à aüra ?

  3. Quora serètz elegit deputat, coma preveètz d’agir faça à l’OIN Plana de Var ?

Ensin, davant l’absença totjorn tant persistenta de concertacion pública e ciutadana sus l’ensèms dei projècts faraonics ilegals e financierament escandalós, lo collectiu soeta metre lu candidats davant li sieu responsabilitats e precisa que li sieu respoastas seran rendudi públiqui. L’absença de respoasta serà considerada coma una aprovacion de l’OIN e de l’ensèms dei projèct que s’en rapoàrton. Lo collectiu contunha la luta tant que li seran pas de concertacions públiqui e ciutadani, e convida cadun à lo rajónher sus lu sitis : collectif-oin-plaineduvar.over-blog.com

2/ Actualitat economica e sociala :

Totjorn à prepau de l’OIN Plana de Var : una crida en linha es estada mesa en plaça per demandar d’arrestar sus lo còup lu projècts en cors ò que vènon, ensin que per n’en exigir una debat ciutadan. Rapelam que lo projèct arroïnerà lu Nissarts e lu estatjants de la futura metropòli, manderà foara dau País lu pichins e mejans revenguts per que n’en rèston que lu mai rics e farà montar lu impoasts, ja otragoament auts, per bastir un blòc de beton destinat à la recèrca dau « ben èstre ». Tra lu projècts mai escandalós en rapoart emé l’OIN figúron :

  1. Lo poart de Sant Laurenç e de Cròs de Canhas qu’arroïnerà lu 50 pescadors per permetre d’acuelhir de bateus per Còrsega encara mai gròs ; doncas augmentacion dau tràfegue dei toristas que faran que passar ; deviacion de l’embocadura de Var qu’alimenta actualament en plancton e autres nutriments d’espèças protegiadi.

  2. L’agrandissament de l’aeropoart e lo conjongiment embé l’estacion de tren e lo trambalan implícon la construccion d’enòrmes tanquers de querosènes sus de zònas inondabli ; en cas de creissuda de Var, tota la plana de Var e la Mediteranea conoisseran una catastròfa ben mai pèjor qu’aquela de l’Erica.

  3. Lo desplaçament dau MIN devèrs La Gauda provoquerà un novèu tràfegue suplementari.

  4. Lo Gran Estadi es un gorc financier per lo contribuable : 245 milions d’èuros de buget iniciau da pagar sus 27 ans e 5 més, cen que fa mai de 600 èuros per personas ; es l’estadi mai costós per l’UEFA 2016 ; à-n-aquò cau ajónher lu 60 milions d’èuros de la via de 40 metres. Lo solet qu’aprofiterà d’aqueu projèct es l’entrapresa privada Vinci à cu lo partenariat Public-Privat causit per aquesta operacion assegura una remuneracion minimum meme se la frequentacion de l’estadi per lu machs de fotbòl non aganterà li 35.000 plaças previsti. A Nissa li es un solet estadi : aqueu dau Rai, e la sieu reabilitacion coasta solament 55 millions d’èuros.

  5. La construccion de miliers de lotjaments fins à Sant-Laurenç de Var alora que li son ja 25.000 lotjaments vuèis à Nissa…

  6. Li entrapresas delocalisadi que en temps de crisi económica mondiala seran foarça utili alora que li son de desenaus de bureus da afitar à Sant Augustin e que lu comèrcis de promiera necessitat à Nissa son toti à picar dau cuu.

Lo collectiu exige doncas la preservacion dei tèrras agricòli vist que Nissa a solament 10% de sobeiranetat alimentària e qu’en cas de mancança per que rason que sigue, l’agricurtura locala porra pas alimentar que 10 personas sus 100. La proteccion de la biodiversitat es una autra revendicacion : li zònas Natura 2000, protegiadi da la legislacion europea, seran menaçadi dai projècts d’arangiament de la plana de Var. En mai d’aquò lu projècts meneran à la polucion de la toalha freàtica de Var qu’alimenta cada jorn de centenaus de miliers d’estatjants. Lo projèct faraonic OIN-Plana de Var es estat bastit segond de principis d’arangiament qu’exíston dau temps que Berta filava, sensa minga inovacion e progrés ecologic. Lo betonatge dei darrieri tèrras fertili dau país seria una catastròfa per la noastra seguretat alimentària. Mai que mai avèm toi da besonh d’una concertacion pública e que s’arrèston lu travalhs de bastiment. Per mai d’informacion, podètz contactar lo « collectiu OIN Plana de Var per un debat ciutadan » en escrivent à collectifoinplaineduvar@gmail.com, ò en anant sus lo siti http://collectif-oin-plaineduvar.over-blog.com E sobretot, non mancar de firmar la crida en linha contra l’OIN.

3/ Actualitat curturala :

La promiera dimenjada de junh èra marcada da la fèsta dau Vot emé lo 160en aniversari de la construccion de la Glèia dau Vot. La fèsta a començat lo divèndres de sera embé notantament una representacion de la pèça de teatre « La ròda vira » da la tropa Lu Bastians Contrari. L’endeman, li èra un concert de música sacrada emé lu Còros de l’Opera de Nissa e l’Orquestra Filarmonic, pi un baleti animats dau grop Lu Rauba Capeu. Enfin, la fèsta s’es acabada lo diménegue em’un recampament e animacion musicala davant de la glèia, la Messa à la glèia e l’inauguracion de la promiera fasa de la Colada Vèrda. Li èra finda una animacion musicala emé la participacion de la Ciamada Nissarda, Nice la Belle, Lou Caireu Nissart, lo Cèucle de la Capelina d’Or e lo famós grop polifonic lo Còro de Berra. Bastida en lo 1852, la Glèia dau Vot es la resultat d’un engatjament religiós, pilhat dai elegits nissarts vint ans denant, e qu’avia per tècola d’evitar l’epidemia de còlera que menaçava alora la vila. Aquesto vot devia permetre à Nissa d’obtenir la proteccion de la Vierge. Cada an, segon la tradicion, aquesto vot es renovelat dau cònsol en plaça.

 OCCITÀNIA

1/ Actualitat política :

Dimècres passat s’es constituit en Vièlha lo Conseu de Política Linguística de l’Occitan Aranés, que compta vuèch sòcis. S’agisse d’una comission de trabalh paritària entra lo Conseu Generau d’Aran e la Generalitat de Catalonha, qu’a per tècola de coordonar li mesuras d’impulsion e de normalisacion linguística de l’occitan aranés, partejadi dai govèrns d’Aran e de Catalonha. Dèu finda desvolopar l’estudi, la recèrca e la promocion de la lenga occitana coma es previst da la Lei de l’occitan en Vau Aran. Enfin, l’organisme dèu pilhar en carga l’aprobacion dei programas annuaus e establir un finançament bastant dei políticas linguístiqui de la lenga noastra. Lo Conseu de Política Linguística de l’occitan aranés a l’estatut de pontença permanenta e especialisada. Lo sieu president, Francesc Xavier Solà, secretari general de Curtura de la Generalitat de Catalonha, a explicat ai mejans de comunicacion qu’una session constitutiva es arribada à doi acòrdis : fixar cen que serà lo procés de desvolopament dei objectius de la Lei tocant la normalisacion linguística e li accions previsti per que lu ciutadans poàscon accedir à l’administracion pública en aranés, e prepauar la conversion de l’Institut d’Estudis Aranés en Acadèmia, e doncas formalisar l’autoritat linguística de l’occitan aranés en Vau d’Aran. Solà s’es declarat foarça satisfach, perqu’an realisat « una dei accions mai importanti e significativi tocant la recuperacion linguística de l’aranés despí l’aprobacion de la Lei de l’occitan aranés en Vau Aran ». La comission si radunerà tornamai en octobre ò en novembre, quora seran publicats lu estatús de la nòva Acadèmia. Lo cap de l’oposicion en Conseu Generau d’Aran, Francés Boya, critiquèt lo « bas perfil institucional e linguístico » d’aguesto organisme e prepauèt de crear una comission de seguiment entra lu grops políticos aranés « emé l’objectiu de trabalhar ensèms per garantir la sobrevivança de l’aranés e consolidar l’identitat dau pòble emé la lenga pròpria. » Segon Boya la creacion d’aqueu organisme mete lo consensús « en perilh » perqu’adòpta « de decisions aluenhadi dau dialògo. »

2/ Actualitat economica e sociala :

País Nòstre a apelat à-n-un recampament dijòus lo 31 de mai passat per la situacion de l’occitan dins l’Acadèmia de Montpelhièr. Es pròpi lo 31 de mai que s’es acampat lo Conseu Academic au Rectorat davant de que s’es debanada la manifestacion. Segon l’associacion e lo CREO Lengadòc, lo Rectorat de l’Acadèmia de Montpelhièr a anonciat de mesuras que méton en perilh l’ensenhament de l’occitan en supriment de poastes. A costat d’aqueli mesuras si parla de la supression d’un emplec à mièg temps d’animacion pedagogica, que fonciona despí lo 1982, sus lu mesos especifics atribuits dau Ministèri per lo Desvolopament dei lengas regionali. S’agisse d’un poaste que permetia de metre en marcha lu projècts pedagogics dau promier e dau segond grado, emé l’ajuda dei collectivitats territoriali. Au delà, si preve de reduïr considerablament la mejana d’accion de l’encargat de mission acadèmica e li sieu foncions de responsabilitat, mai que mai sus li gestions dei mesos e la seguida dei ensenhaments. Son finda menaçats lu poastes dei conselhiers pedagogics dei departaments d’Aude e de Gard, vist que seran pas remplaçats après la sieu retirada. Per tot aquò, lo CREO Lengadòc lancèt una crida en linha per demandar au rector de l’Acadèmia de Montpelhier de tornar pensar li decisions, perqué auríon de consequenças desastroï sus l’existença de l’ensenhament de l’occitan. Enfin, a mandat finda una lètra ai autoritats en li explicant la trajectòria de l’ensenhament de l’occitan a l’Acadèmia de Montpelhièr e li menaças que lo fan perilhar.


 3/ Actualitat curturala :

En l’encastre de l’Estiu Occitan en Provença, lu eveniments importants d’aqueu més son : lo Total Festum en Menerbés dau sud (fins au 24 de junh), lo Total Festum en Val de Danha (dau 9 au 23 de junh), la Fèsta dau Conte de Cucunhan (dau 17 au 19 de julh), li jornadas occitani dei Estivalas de Camplong d’Aude (dau 7 au 8 d’avost), lu rescòntres Le Vin se Livre (canton de Durban, a l’entorn dau 10 d’avost), li jornadas Vin, Rugbi e Occitan à Sant Andrieu de Ròcalonga (lu 17 e 18 d’agost). Mas d’autres recampaments punctuals de concèrts, balètis, passejadas… si tendran finda à Fabresan, Lesinhan, Montseret, La Grassa, Bisanet, Talairan ò Cruscadas… De pàginas informatiui sus d’aquela programacion pàsson sus Ràdio Lenga d’Òc – Narbona.

ESTRANGIER

1/ França 

La directritz dau FMI Cristina Lagarde provoquèt un escandal la dimenjada passada : divendres, en una entrevista au jornal The Guardian, diguèt qu’avia de simpatia per lu grècos, e li exigia que paguèsson lu impoasts. Mai concretament, parlèt de « toi aquelu que totjorn pròvon d’evitar lu impoasts » e que « si deuríon ajudar collectivament, en pagant toi lu impoasts. » En un autre moment diía que si preocupava mai dei pichoi de l’Africa Subsahariana qu’an segon èla « mai da besonh d’ajuda que lo mond d’Atenas. » Li declaracions motivèron un escandal, pas solament en Grèça, mas finda en França e dins quauques país europèus, dont majoritariament si pensèt que Cristina Lagarde s’èra excedida. Foarça gents otratjadi dai declaracions de Lagarde li remembrèron li duri condicions que viu la populacion grèga, la repercussion dei reduccions budgetari impauadi dau sauvament europèu o lu auts interés qu’aqueu sauvament costerà. Finda la classa política grèga reagissèt à prepau dei declaracions de Lagarde. Evangelos Venizelos, cap dau PASOK (socialdemocrata), diguèt que Lagarde avia insultat e umiliat lu grècos. E Alexis Tsipras, cap de Syriza (senèca radicala), li respondèt que lu grècs avíon pas da besonh de la simpatia de Lagarde e que « Lu trabalhaires grècos lu pàgon ja, lu impoasts, d’impoasts insuportables. » Conscienta dei repercussions dei sieu declaracions, Lagarde escriuguèt dissabta una nòta sus lo sieu Facebook dont diía : « Coma ai dich foarça còups, sieu ben comprensiva emé lo pòble grèco e emb li sieu penúrias. Es per aquò que lo FMI paga lu esfoarç que fa per superar la crisi actuala e tornar à la creissença de l’economia, à l’emplec e à l’estabilitat. Es un aspèct important d’aqueu esfoarç que cadun poarte una partida justa de la carga, sobretot lu mai priviliegiats, en pagant lu impoasts pertinents. E es lo ponch que vouguèri soslinhar dins l’entrevista de The Guardian, coma part d’una entrevista mai vasta que faguèri fa de temps. » Mas de miliers d’usatgiers li an respondut embé pauc de simpatia. Lu mai de vint-a-cinc mila comentaris à la sieu nòta, en pauc de temps, an fach ja un recòrd absolut per lo ret social. E mai la grana tornada arribèt diluns passat, quora lu jornals grècos expliquèron que, coma cap dau FMI, Lagarde a l’estatut de foncionària internacionala e, doncas, pagava pas d’impoasts (lo sieu revengut estent de mai de 380.000 èuros). De mai, un sit web francés expliquèt emb tot detalh lo salari e la descripcion de la cap dau Fons Monetari Internacional, confirmat da la descripcion que la diplomacia francesa fa de la fiscalitat dei foncionaris internacionals.

2/ Euròpa

Divendres passat si debatia dins lo parlament ucraïnés sus l’estatut de la lenga russa dins quauqui regions dau país. Lo debat, pura, arribèt pas à minga conclusion perqué la sala foguèt lo scenari d’una batalha entra lu deputats. Un deputat foguèt portat à l’espitau per una emorragia au cap. Lu afrontaments son foarça comuns dins lo parlament ucraïnés. Aquesto còup es estat entra lu deputats leials au president, Victòr Ianocòvich, e lu partidaris de l’oposicion. Ianocòvich es dubèrtament russista e lu opausants, que son mai europeïstas, voàlon pas balhar d’oficialitat au russo per fin d’empedir que l’ucraïnés vengue mai menaçat. À l’èst d’Ucraïna si parla majoritariament lo russo e lo Parlament avia l’intencion d’aprovar una lei que permetesse qu’aquela lenga se posquesse emplegar oficialament dins li escòlas, lu espitaus e li institucions oficiali d’aquela region dau país. Après aquelu fachs, lo president dau Parlament, Vladimir Litvin, prepaua de dissòuvre la cambra e convocar d’eleccions, considerant que « lo parlamentarisme es estat completament destruch. »

3/ Monde

En Turquia la deputada curda Leyla Zana es estada condamnada tornarmai à 10 ans de preson da un tribunal penal à la vila d’Amed (Diyarbakır, en turco). Zana es acusada de terrorisme, segon cen qu’escrivia lo jornal turco Zaman. Lu jutges considèron que li quauqui conferenças dichi da ela en lo 2007 e en lo 2008 demoàstron qu’es sòcia dau Partit dei Trabalhaires de Curdistan (PKK), illegal en Turquia. L’avocat de Zana, Fethi Gümüş, a refusat li acusacions e a argumentat que se la deputada siguesse estada sòcia dau PKK, auria pas poscut concórrer ai eleccions legislativi turqui dau 2011. La politiciana curda intrerà pas en preson sus lo còup perqué es deputada au Parlament turco, cen que li garentisse l’immunitat. Li eleccions legislativi venenti son previsti en Turquia per lo 2015. Alora es aquí que porrà mancar de libertat. Aquelu fachs son pas estonants, vist que Zana a comolat divèrsi sentenças de preson despí lo 1994, e totjorn per d’acusacions similari. La promiera si debanèt en lo 1994, quora lo Tribunal de Seguretat Estatala d’Ankara la condamnèt à 15 ans de preson per una presumida apertenença au PKK. Maugrat qu’èra alora deputada, li tirèron l’immunitat e intrèt en preson, dont li passèt dètz ans, fins en lo 2004. Aquò foguèt pas la fin de la sieu persecucion da tribunals turcos. En abriu dau 2008 la sentencièron à trés ans de preson. Èra lo promièr còup que si servissíon dei sieu conferenças dei 2007 e 2008 per la condamnar. En aqueli conferenças, Zana avia dich que lo conflict turco-curdo lo cau resòuver en pilhant en consideracion lo fach qu’Abdullah Öcalan (lo fondator dau PKK, en preson) es lo cap dei curdos e que l’Estat turco lo dèu considerar coma un interlocutor. Emb d’arguments similars, Zana foguèt encara condamnada a dètz ans en decembre dau 2008 e de nòu en julhet dau 2009 e en abriu dau 2010.

 ESPOART

Un an après aver quitat l’Olimpic de Lion en condicions complicadi, lo castrés Claude Puel tornerà en avost sus un banc de L1. Lo Gim oficialisèt lo dimarts 22 de mai passat la sieu vinguda per trés ans. Après Lilla e Lion, Claude Puel tornerà en Occitània la sason que vèn. Emé d’objectius : lo president Jan Francés Rivère anoncièt la sieu volontat d’estructurar lo club per li far passar un cap. Un noveu estadi (teoricament lèst en junh dau 2013), una generacion de joves de grana qualitat (vènon d’emportar la Copa Gambardella), un entraïnaire competent e experimentat, la recèpta sembla boana per l’OGC Nissa. Demoara de vèire embé que ingredients. L’efectiu deuria foarça bolegar aquela intersason : mé l’arribada de Puel, li mans liuri per començar una política de recrutament ambicioa, e la fin de contract de sièis jugaires de la coala, s’espèron cambiaments en l’esquipa. D’autant mai qu’embé Puel, si podèm esperar la vinguda de Quaucu jugaires que l’escomesa porria interessar. Après Eric Roy (sacat en novembre passat) e Reinat Marsiglia, Claude Puel serà lo tèrço entraïnaire dei Aiglons en mens d’un an.

METÈO

Après un més de mai pluviós, l’estiu sembla èstre revengut per junh. Lo soleu es previst per tota la setmana emé pura de riscas de raissas per dimècres e divèndres. Li temperaturas si monteran per tota a setmana à 25 grados de jorn e 16 grados de nuèch.


 

A l’escadença de la 68a vísita guidada de Nissa en Nissart (òc)

festegerèm lo 1000en visitaire, dissabta lo 19 de mai 17 oras, apontament a l’intrada deu teatre Francis gag, carriera de la Crotz.

À l’occasion de la 68ème visite guidée de Nissa en Nissart (òc)

nous fêterons le 1000ème visiteur, samedi 19 mai 17h, rendez-vous à l’entrée du théâtre Francis Gag, rue de la Croix.

Visite de la Vieille Ville dans sa langue locale, le nissart (òc).
Cristòu Daurore, professeur de Nissart (òc), nous guidera dans la Nissa vielha afin d’y découvrir ses richesses au travers de son histoire, ses anecdotes et le plus important son dialecte Nissart.
La visite devrait s’achever vers 19h.
Comme nous limitons cette visite à 25 personnes il est indispensable de prévenir de sa venue au 06 71 18 61 21,
La visite sera enregistrée pour la radio www.nissapantai.com
La visite est gratuite, car elle est offerte par Institut d’Estudis Occitans 06 (IEO 06) et le 1000ème visiteur recevra des cadeaux de la part du CCÒc País Nissart e Alpenc.
Déjà 997 personnes sont venues aux 67 visites précédentes.
Après la visite, nous nous rendrons à 20h au concert de Lou Dalfin dans les jardins de Cimiez pour Lo festin dei Mais et avant la visite nous enregistrerons pour la Radio Nissa Pantai la pièce de Joan-Luc Gag : « Gusta s’embila ! »

 

FootPantai emission sus Nissa-Evian

Lo 14 mai 2012, dins FootPantai, da Cristòu

Bastian, Ciril e Cristòu vi comenteràn lo rescòntre de foot de l’OGCNissa còntra Evian a l’estadi dau Rai, diluns lo 14 de mai a 21 oras sus www.nissapantai.com

Nissa - Evian a l'estadi dau Rai a Nissa

Bastian, Ciril et Cristòu vous commenteront le match de foot de l’OGCNissa contre Evian au stade du Ray, lundi 14 mai a 21h sur www.nissapantai.com